Nunatsinni eqqartuussisoqarfiit

Nunatsinni eqqartuussiviit arlaannut ornigutissaguit ukua ilisimasariaqakkat atorfissaqartissinnaavatit.

Eqqartuussisoqarfiit sisamaapput, kommunit agguataarneri malillugit taakkunannga illoqarfiit nunaqarfiillu sullinneqarput. Eqqartuussisoqarfik Kujalleq Qaqortumi pingaarnertut inissisimaffeqarpoq, Eqqartuussisoqarfik Sermersooq Nuummi, Qeqqata Eqqartuussisoqarfia Sisimiuni, Qaasuitsup Eqqartuussisoqarfia Ilulissani.

Eqqartuussisoqarfiit ammasarfiat matoqqasarfiilu

Ataasinng.-sisa.: 8.30 - 15.00
Tallimanngorneq: 8.30 - 12.00

Nunatsinni eqqartuussisoqarfiit attavigineqarsinnaapput, saffiginnittarfiup ammarsarfiinni

oqarasuaat: 36 38 00

Matoqqasarfiit:

Kalaallit Nunatsinni Eqqartuussisoqarfiit arfininngornerni, sapaatini nalliuttunilu ulluni ukunani matoqqasarpoq:

Nunatsinni, qallunaat nunaannilu nalliuttuni, 24. - 31 decembari. Inuiattut ullorsiornermi 21.juni

Kunngit pingasut ulluanni ulloq 6. januar ammalu 1. maj ullup qeqqaniit

Eqqartuussivimmut akiliinerit

Eqqartuussivimmut akitsuutit kontonr. 6471-1032663-mut akilerneqassapput

Eqqartuussivimmut akitsuut akilerukku eqqaamassavat allassagakkit makku:

* Aqqit

* Illuatungerisavit aqqa

* Illit nammineq journalnormut, peqaruit

* Eqqartuussiviup suliamut normuliussaa, tamanna ilinnut ilisimatitsissutigineqarsimappat.

Siullermeersumik aalajangiisarfinni (Kalaallit Nunaanni Eqqartuussivik aamma eqqartuussisoqarfiit) suliamik suliaqarnermut akitsuut imaappoq:

Suliani akiliisitsinermut tunngasuni, illunik il.il. pinngitsaaliissummik tuniniaaneq (eqqartuussisarnermik inatsimmi kapitali 56) eqqaassanngikkaani: 300 kr.

Illumik, umiarsuarmik timmissartumillu pinngitsaaliissummik tuniniaanermi (eqqartuussisarnermik inatsimmi § 726): 500 kr.

Saqitsaannerit pillugit suliat nalinginnaat (eqqartuussisarnermik inatsimmi kapitali 55): 500 kr.

Uppernarsaatinik ilanngussaqartitsineq eqqartuussinertaqanngitsoq (eqqartuussisarnermik inatsimmi § 718): 400 kr.

Qularnaveeqqusiissutit naalagaaffiullu karsianut akiliutit kontonr. 6471-1732088-imut akilerneqassapput.

Biilinik inissiineq

Eqqartuussisoqarfinni sisamaasuni eqqartuussisoqarfiullu Nuummiittup eqqaani, eqqartuussiviit illutaasa eqqaanni biilinut inissiiveqarpoq. Taakku biilinut inissiisarfiit eqqartuussiviit atuisuinit atorneqarsinnaapput.

Illoqarfinni eqqartuussiviusartoqarfiusut annikinnerupput, taamaattumillu naliginnaasumik eqqartuussiviliarnermi angallassissutinik atuinissaq pisariaqarneq ajorpoq.

Eqqartuussivinni isiginnaarutinik atuineq

Kalaallit Nunaanni illoqarfiit akunnerinisa siammasinnerujussui angallannermullu periarfissat annikinnerisa ilaatigut malitsigaat, angalanerup akisunera. Aammattaaq angalanerup malitsigikkajuppaa, angalasussap angerlarsimaffini ulluni arlalinni sulilluni qimassammagu. Taamaalilluni angalaneq ataaseq aaqqiineruvoq akisooq, angalasumut inuttut kinguneqarsinnaasoq.

Kalaallit Nunaanni Eqqartuussivinnit isiginnaarutit atorneqartarput, eqqartuussivimmi isumannaatsutitsinissamut illersorneqarsinnaatillugu, unammillernartumillu geografiskimik inissisimanitsinnut ajornaatsumik aaqqiissutaangaagat. Suliani illuatungiusoq imaluunniit ilisimannittoq illoqarfimmi allami suliap suliarineqarfigisassarinngisaani najugaqarpat, eqqartuussiviit illuatungeriit isiginnaarutit atorneqarnissaannut isumaannik tusarniartassavaat. Tamanna aamma atuuppoq, illuatungiusoq ilisimannittorluunniit Kalaallit Nunaanni najugaqanngippat.

Illuatungiusoq imaluunnniit ilisimannittoq nunaqarfimmi najugaqarpat, pineqartoq qanorluunniit illoqarfimmut qaninnerpaamukartinneqassaaq, isiginnaarutikkut nunaqarfinnut.

Eqqartuussiviit aalajangiissagaangamik, illuatungiusoq imaluunniit ilisimannittoq eqqartuussinermi isiginnaarutikkut eqqartuussinermut peqataassanersoq, eqqartuussiviup ilaatigut pingaartissavaat, suliap oqaluuserineqartup qanoq pinartiginera. Pinerluttulerinermi suliani, piffissami sivisuumi pineqaatissinneqarsimasunut inissiisarfiimmiittussanngortitsinermik kinguneqarsinnaasuni, eqqartuussiviit tunuarsimaarfigissavaat isiginnaarutit atornissaat. Apeqqutaavoq aamma illuatungiunersoq imaluunniit qitiusumik ilisimannittuunersoq, eqqartuussinissami isiginnaarutikkut peqataanissamik kissaateqartoq. Aammattaaq eqqartuussiviup eqqarsaatigissavaa, eqqartuussinerup qanoq sivisutiginissaa naatsorsuutigineqarnersoq, inuit qanoq amerlatigisut eqqartuussinermi peqataassanersut, illuatungeriit isiginnaarummik atuinissamut isumaat, aningaasartuutillu illuatungiusup imaluunniit ilisimannittup eqqartuussiffiusussamukartinneqarneranut atatillugu atorneqartussat.

Suliat ilaanni illuatungiusoq imaluunniit ilisimannittoq Danmarkimiit isiginnaarutikkut eqqartuussinermi peqataanissartik kissaatigisarpaat. Eqqartuussivik isummileruni naleqqunnersoq, eqqartuussiviup pissutit taakku ilanngutissavai, soorlu illuatungiusoq imaluunniit ilisimannittoq isiginnaarutikkut Kalaallit Nunaanni illoqarfimmi allamiit peqataanissaminik kissaateqaraangat. Taassuna saniatigut eqqartuussiviup aamma isiginiassavaa Kalaallit Nunaanni Danmarkimilu nalunaaquttap nikingassusaat periarfissallu ajornaatsut, uuma ataani qallunaat nunaanni eqqartuussiviit ammasarfii.

Kalaallit Nunaanni eqqartuussivinni oqaatsit

Kalaallisut aamma qallunaatut oqaatsit Kalaallit Nunaanni Eqqartuussivinni atorneqarsinnaapput. Illuatungiusup imaluunniit ilisimannittup oqaatsit taakku marluk atorsinnaavai, nammineerluni atorusunnerusani.

Eqqartuussiviit illuatungeriinnut atassuteqartassaaq oqaatsit illuatungiusup atorusunnerusai atorlugit.

Illuatungeriit oqaaseqaqatigiinngippata, eqqartuussinermi oqalutsi atorneqartassaaq, peqataasut tamarmik ataatsimiinnermi qanoq oqartoqarnera paasissammassuk.

Eqqartuussiviit illuatungeriit allakkatigut saaffiginnissutaat imaluunniit allakkatigut uppernarsaasiissutaat suliap piareersarneqarnerani eqqartuussivimmut nassiuneqartut nutserneq ajorpaat. Allakkatigut uppernarsaasiissutit suliami uppernarsaatitut atorneqartussat, nutserneqartarput tamanna pisariaqartinneqartillugu, eqqartuussinerup nalaani atuaasoqaraangat

Links

Link-it uani takukkit

Eqqartuussisoqarfiit nuutitsisarfiat

Eqqartuussisoqarfiit saaffiginnittarfiat ammanerani saaffigineqarsinnaavoq oqarasuaat 36 38 00 sianerfigalugu.

Ammarsarfiit:
Ataa-sisa: 8.30 - 15.00
Tallimanngorneq: 8.30 - 12.00

Eqqartuussisoqarfik Kujalleq

QAQORTOQ

Eqqartuussisoqarfik Kujalleq, Qullersaqarfik
Aaninngivit B-1672
3920 Qaqortoq

Oqarasuaat: (00 299) 36 38 02
Telefax: (00 299) 64 17 75
E-mail: post.kujalleq@domstol.gl

_____________________________________________________

NARSAQ

Eqqartuussisoqarfik Kujalleq, Narsaq
Erik Egedes Plads
B. nr. 989-RET
3921 Narsaq

Narsami eqqartuussivik ulluinnarni inoqarneq ajorpoq, apeqqutissaqarussi Eqqartuussisoqarfik Kujalleq Qaqortumiittoq attavigissavarsi.

_____________________________________________________

NANORTALIK

Eqqartuussisoqarfik Kujalleq, Nanortalimmi allaffik
Ilivileq B 64-001
3922 Nanortalik

Oqarasuaat: (00 299) 36 38 01
Telefax: (00 299) 61 31 75
E-mail: post.kujalleq@domstol.gl

Eqqartuussivittut ataatsimiittarfittullu:
Lundip aqqutaa
B. nr. 293
3922 Nanortalik

_____________________________________________________

Eqqartuussisoqarfik Kujallermut illoqarfiit makku ilaapput: Nanortalik, Qaqortoq aamma Narsaq nunaqarfiillu.

Adresse nassiussivissaq, Qaqortoq aamma Narsaq nunaqarfiillu*:
Eqqartuussisoqarfik Kujalleq
Postboks 141
3920 Qaqortoq

Adresse nassiussivissaq, Nanortalik nunaqarfiillu*:
Eqqartuussisoqarfik Kujalleq
Postboks 49
3922 Nanortalik

*Nunaqarfiit:
Qaqortoq: Qassimiut, Saarloq og Eqalugaarsuit.
Narsaq: Igaliku, Narsarsuaq og Qassiarsuk.
Nanortalik: Aappilattoq, Narsarmijit, Tasiusaq, Aammassivik og Alluitsup Paa.

Eqqartuussisoqarfik Sermersooq

NUUK

Eqqartuussisoqarfik Sermersooq, Qullersaqarfik
Jens Kreutzmannip Aqqutaa 1
Postboks 1240
3900 Nuuk

Oqarasuaat: (00 299) 36 38 00
Telefax: (00 299) 32 42 49
E-mail: post.sermersooq@eqqartuussivik.gl

_____________________________________________________________

PAAMIUT

Eqqartuussisoqarfik Sermersooq, Paamiut allaffik
Aasivinngivit 12
Postboks 185
3940 Paamiut

Oqarasuaat: (00 299) 36 38 05
Telefax: (00 299) 68 17 75
E-mail: post.sermersooq@eqqartuussivik.gl

_____________________________________________________________

TASIILAQ (Allakkat Nuummut nassiunneqassapput)

Eqqartuussisoqarfik Sermersooq, Tasiilaq
Suulup Aqqulaa
B-1069
3913 Tasiilaq

Tasiilami eqqartuussivik ulluinnarni inoqarneq ajorpoq, apeqqutissaqaruit Eqqartuussisoqarfik Sermersooq Nuummiittoq attavigissavat.

____________________________________________________________________________________

Eqqartuussisoqarfik Sermersuumut illoqarfiit makku ilaapput: Paamiut, Nuuk, Tasiilaq aamma Illoqqartoormiut nunaqarfiillu.

Adresse nassiussivissaq, Nuuk (Nuussuaq aamma Qinngorput), Tasiilaq amma Ittoqqortoormiit nunaqarfiillu:
Eqqartuussisoqarfik Sermersooq
Postboks 1240
3900 Nuuk

Adresse nassiussivissaq, Paamiut nunaqarfiillu*:
Eqqartuussisoqarfik Sermersooq
Postboks 185
3940 Paamiut

*Nunaqarfiit
Nuuk: Kapisillit og Qeqertarsuatsiaat
Tasiilaq: Isertoq, Kulusuk, Kuummiut, Sermiligaaq og Tiilerilaaq
Paamiut: Arsuk
Ittoqqortoormiit: Itterajivit, Uunarteq
Nationalparken i Nordøstgrønland

Qeqqata Eqqartuussisoqarfia

SISIMIUT

Qeqqata Eqqartuussisoqarfia, Qullersaqarfik
Nalunnguarfimmut 2
3911 Sisimiut

Oqarasuaat: (00 299) 36 38 08
E-mail: post.qeqqata@eqqartuussivik.gl

_____________________________________________________________

MANIITSOQ

Qeqqata Eqqartuussisoqarfia, Maniitsumi allaffik
Narsannguaq 6
3912 Maniitsoq

Oqarasuaat: (00 299) 36 38 07
E-mail: post.qeqqata@eqqartuussivik.gl

_____________________________________________________________

Qeqqata Eqqartuussisoqarfimmut illoqarfiit makku ilaapput: Maniitsoq aamma Sisimiut nunaqarfiillu.

Adresse naasiusivissaq, Maniitsoq aamma Sisimiut nunaqarfiillu*:

Qeqqata Eqqartuussisoqarfia
Postboks 1006
3911 Sisimiut

*Nunaqarfiit
Sisimiut: Itilleq, Sarfannguit og Kangerlussuaq
Maniitsoq: Kangaamiut, Napasoq, Atammik

Qaasuitsup eqqartuussisoqarfia

ILULISSAT

Qaasuitsup Eqqartuussisoqarfia, Qullersaqarfik
Jørgen Sverdrupip Aqq. 2, B-2039
Postboks 100
3952 Ilulissat

Oqarasuaat: (00 299) 36 38 12
Fax: (00 299) 94 45 75
Mail: post.qaasuitsup@eqqartuussivik.gl

_____________________________________________________________

QASIGIANNGUIT (Ilulissanut allakkat nassiunneqassapput)

Qaasuitsup Eqqartuussisoqarfia, Qasigiannguit eqqartuussivittut ataatsimiittarfittullu
Poul Hansensvej 7
3951 Qasigiannguit