Nunatsinni Eqqartuussivik
Akiliunneqarsinnaavutit
Nammineq aningaasartuutiginagu eqqartuussivilersuussineq isumaqarpoq, saqitsaannermi suliami illuatungiliusutut eqqartuussissuserisumik ikiorneqarnissavit akiliunneqarsinnaanerit aamma suliamut aningaasartuutit pisortanit akilerneqarnissaat.
Nammineq aningaasartuutiginngisamik eqqartuussisulersuussissaguit;
- Suliami ilalerneqarnissat ilimanaateqartariaqarpoq
- Suliassaatit annertujaarlunilu pingaaruteqartariaqarpoq
- Naliginnaasumillu isertitanut piumasaqaatit naammassisimassavatit.
Akeqangitsumik eqqartuussivitsigoortitsineq
Nammineq aningaasartuutiginagu eqqartuussisulersuussinissaq qanoq qinnutigisinnaavara?
Naalagaaffiup Sinniisoqarfianut qinnuteqaat nassiutissavat tassanngaanniillu suliaq ilinnut tunngasoq aningaasaqarnikkullu inissisimaffiit naapertorlugu nammineq aningaasartuutiginagu eqqartuussisulersuussisinnaanersutit aalajangerneqassaaq.
Nammineq aningaasartuutiginagu eqqartuussisulersuussinissamik qinnuteqartinnak inatsisitigut siunnersorneqaqqaassaatit. Inatsisitigut siunnersuisarfiup ilitsersorlutillu ikiorsinnaavaatit – qinnuteqaasiornermut tunngatillugu aammaattaaq nammineq aningaasartuutiginagu eqqartuussisulersuussinerup imminut akilersinnaaneranik paasiniaanissamut.
Paasissutissat kingulliit: 01. februaarip 2024